ازيكم
عاملين ايه؟؟
يااااااااااااه احساس الاجازة حلو أوي
( قال يعني كنت باذاكر )
عاملين ايه؟؟
يااااااااااااه احساس الاجازة حلو أوي
( قال يعني كنت باذاكر )
ههههههههه
بس برده فترة الدراسة كانت رزلة الترم دا
دا كفاية الامتحانات اللي مش ناوية أنجح فيها
لا إلا الخيم بقى اللي امتحنا فيها
أنا عايزاكم انتوا تشوفوا وتحكموا
يا سلام على قلبهم .. كتر خيرهم يعني حاطين لمبات
دي صور من خيم متفرقة مش من خيمة واحدة
ايه رأيكم بقى ؟؟؟
بس برده الصور مش كفاية كان نفسي أجيبلكم شوية من التراب اللي على الديسكات
والأيام اللي كان فيها مطر بقى
أي نعم هي مكنتش بتمطر واحنا بنمتحن بس مطرت في اليوم اللي قبل الامتحان
ولانهم حاطين مشمع فوق الخيمة
فالمشمع جمع الميه من يوم المطر
ونزلها فوقنا يوم الامتحان
بجد
بقت مية المطر تنزل علينا فجأة كدا
وحصلي للاسف الموقف دا
انا قاعدة في أمان الله واذا بالماء بينزل من فوقي انا بالذات وكأنها اختارتني
والتراب اللي على الديسك + ماء المطر = طينة
: )
ولو بصينا في نص الخيمة هتلافيها بتنقط
ما علينا .. اهي عدت
ويارب أنجح
وبمناسبة الامتحانات بقى .. الصورة دي اهداء لطلبة تجارة انجلش :
يلا أشوفكم في تدوينة تانية
واجازة سعيدة ان شاء الله
هناك ٤ تعليقات:
اجازه سعيده يا مرمر يارب
عجبتني اوع اوي كيف تحمي نفسك والاخرين يابنتي محسساني ان تجاره انجلش دي انفلونزا الخنازير
بداية حابب انوه عن :
بلاش يا جماعة تحسسوا بعض بالفروق الطبقية ديه .. يعني انا مثلا راجل خريج علوم وانتوا لسه طلبه !! مش بعد اقول الكلام دا عشان متتعبوش وانتي كمان يا ريمان بلاش تتاثري اوي وهي بتقول تجارة عنجلش و الكلام الغريب دا :!!
على العموم من تربية نوعية لتجارة عنجلش يا قلبي لا تحزن
أما بأه بالنسبه للتعليق .. فيايريت يا جماعه كلنا نسأل مرمر هي ناوية تشيل مواد ايه السنادي عشان بس نكون عاملين حسابنا .
أما بالنسبه لحمله التضيفات اللي وعدت بيها فيهيا و عدت و بدأت تنفذ بس طبعا هي بحاجه لبقية الشلة بتوع الكلية بتوع عربي عشان يساعدوها ..
ايه ده أيه ده ؟؟؟
ايه يا مرمر
انا بتهزق هنا ، وانتي ساكته
يعني ايه !!
من تربيه نوعيه لتجاره لاتحزن
قصدك ايه بأه يا أستاذ بالكلمه دي
عموما
عموما
الله يسمحك
والعبره مش بالكليه صدقني ، العبره بالمذاكره والنجاح والتفوق لو سمحت
عادي جدا على فكره
طيب مأنا كنت جيبه مجموع كبير جدا جدا
ممكن كنت أدخل أي كليه ماعدا طبعا طب وصيدله وهندسه وعلوم وتربيه وتجاره وحقوق
بس عادي انا حبه كليتي العزيزه وكفايه اصحابي طبعا
ايه دا يا ولاد انتوا هتتخنقوا ولا ايه ؟
العبوا مع بعض .. متتخانقوش
ما عا ش اللي يهزقك يا ريمان
هو مش قصده طبعا ..امسحيها فيا معلش
وانت يا يحيى
مالها تجارة وتربية نوعيه يعني
هتقل ايه يعني عن علوم
ولا عن كليات القمة حتى ؟؟
(لاحظ ان علوم جت لوحدها وكليات القمة جت لوحدها .. يعني هي متعتبرش منهم اصلا )
يا أخي بطلوا نفسنه بقى
إرسال تعليق