السلام عليكم ورحمة الله وبركاته
خلاص شهر رمضان الكريم بقى قريب جدا وخلاص كلها 7
ايام تقريبا
ويهل علينا رمضان ....
وايام رمضان الجميلة
اصل رمضان كله من اوله لآخره ....دايما ليه ذكريات جميلة
اوي
الفوانيس ...بقى والزينة اللي بتتعلق
الصحيان للسحور والطرق المتعددة المتبعة علشان نصحا....
اللي بنتحايل عليه يصحى ...واللي يدلق جردل ميه علينا
علشان نقوم ...عادي بقى
وتجهيز السحور ..اللي مش دايما باشارك فيه....
تقضية بقيت اليوم ....ما بين المسلسلات وبين البرامج ...واكيد لازم لو في برنامج للاستاذ عمرو خالد وبرامج دينية أخرى .....
وطبعا تجهيز الفطار ....ومش وقت الكلام عن الاكلات لحسن ممكن نخلص البوست عليها ...
وانتظار المغرب.....ومريم وعبدالرحمن وهما بيعيطوا ويقولوا جعانييييييييييييييين
ههههههههههههههههههههههه
وبكار طبعا ...
وصلاة التراويح ...اللي حتى لو ماروحتش اصليها ...بيبقى صوت المسجد قريب جدا وباسمعها....
ومحاولة ختم القرآن ...
وطبعا دا غير كم (كمية ) الراحة النفسية اللي الواحد بيحس بيها نتيجة انه حاسس ان ربنا هيغفر له الذنوب مهما كبرت ....
مع ان دا كمان بيبقى في غير رمضان ....بس دا دايما احساس خاص برمضان
والاعتكاف في العشرة الاواخر ...
دا كله بيكون في رمضان ..... ويخلص رمضان ... واحنا بنتمنى نكون اخدنا المغفرة والرحمة والعتق من النار
وكل عام وانتم بخير
هناك ١٥ تعليقًا:
كل عام وانتى بخير يا مرمر
وفعلا شهر رمضان ده بيحمل اجمل
ذكرياتنا
وربنا يتقبل منا الصيام والقيام
وقرأة القرأن ويبلغنا ليلة القدر
كل سنه وانتي طيبه
ورمضان كريم
ويارب يعود علينا وعليكي
بالخير واليمن والبركات
ورمضان السنه دي بالنسبه ليكي اكيد هيكون غير خالص
(رمضان بلا ثانويه عامه )
أشكرك جويرية على اضاءة مدونتي بتعليقك الرائع
ريمان حبيبة قلبي ..
طبعا ...اصلا الواحد وهو في الثانوية
مش بيكون حاسس هو في رمضان ولا شعبان
..بيبقى كله زي بعضه
ودا مش لانه بيذاكر ...لأ...دا لانه بيروح الدروس بس
اللي بيذاكروا دول حاجة تانية ... مش
بيعرفوا حتى هم دلوقتي الصبح ولا بالليل
ربنا يعينهم
:] اهه جه يا ولاد اهه جه يا ولاد
رمضان كريم
بس السؤال بيقول هتصوم رمضان السنادي ولا كالعادة زي كل سنة
:D
اهلا mrxprt
والاجابة بتقول هاصوم رمضان السنادي
زي ما باصومه كل سنة
ما شاء الله مدنة مميزة اختى مرمورة
و فعلا رمضان كله بيكون لينا فيه ذكريات جميلة
و كل سنة و انتى طيبة
و تحيااااااتى
خديجة أسعدني تشريفك لي في مدونتي
وكل عام وانتي بخير
كل عام وانتم بخير
فعلا مدونات البنات لها نكهه خاصه فى الاعداد والرسومات.
على فكره بأذن الله لم تبقى زى منى الشاذلى يارب تلبسى حجاب وتشرفى المسلمين .
انا من اشد المعجبين بهذه المذيعه المثقفه الصفيره فى السن الغاليه والكبيره فى المفام
شوفتى ازاى الللى بيعملوا حاجه وبيبقوا حاجه الناس بتحبهم ازاى وبيبقى ليهم معجبين علشان كده لازم تشدى حيلك وتبقى مذيعه جامده زى منى الشاذلى كده وانا ابقى احط صورتك فى مدونتى وحاعملك قصة نجاح متميزه
والله الواحد نفسه يبقى حاجه مهمه زى منى الشا
;g سنه وانتي طيبه
رمضان كريم:)
كل سنه وانتي طييييييبه ورمضان كريم
التعليق الاوني متشلفط فعلقت تعليق تاني
أ/ مختار الجندي
أشكر تشريفك لمدونتي
...أبقى زي منى الشاذلي ايه بس؟؟
كلية التجارة في انتظاري للانضمام اليها
يلا ربنا معانا ..
وكل عام وانتم بخير
كيارا
ولا يهمك يا ستي ..لو عايزة تملي الصفحة
بتعليقات اتفضلي ...البيت بيتك
كل سنة وانتي طيبة
ورمضان كريم
كل عام وانتى الى الله اقرب وعلى طاعته ادوم وللجنان انعم
لو انها جت متأخرة...:)
بس هقلها رمضان كريم ولمريم وعبدالرحمن
وأنتم بألف خير يا أ/ عبد الله
اما مريم وعبدالرحمن سيبهم في حالهم
دلوقتي ...علشان مشغولين بالصيام
ههههههههههههه
إرسال تعليق